كيف تعمد الجمهور مهاجمة شيرين عبد الوهاب

تسببت عفوية وتلقائية الفنانة شيرين عبد الوهاب، في وضعها داخل العديد من المواقف الصعبة على مدار السنوات القليلة الماضية، وصرحت شيرين في أكثر من لقاء لها إنها تتعامل على طبيعتها لها إلا أن هنالك بعض الأشخاص الذين يتربصون لها الأخطاء، لذا قررت أن تغني أكثر مما تتحدث.
واتخذت شيرين عبد الوهاب، قرار بغلق جميع حساباتها على "السوشيال ميديا"، والابتعاد عن مواقع التواصل الاجتماعي، وبالفعل ابتعدت لعدة أشهر كما قامت بتغيير رقم هاتفها أيضًا، وبالرغم من التزامها الصمت إلا أن الجمهور مازال يتصيد لها الأخطاء دون وجه حق، مستندين في ردود أفعالهم على مواقفها القديمة لها.
قام الجمهور بمهاجمة شيرين، فور نشرها تويته مساء أمس الجمعة قالت من خلالها :"أنا نفسي كله يحس الإحساس اللي كنت حاساه وأنا بصلي صلاة المغرب والسنة، متعة تانية أحلى من أي سفرية أو أي سهرة. ربنا يثبتنا ويهدينا من اللي إحنا فيه ويارب ما نتغيرش ونفتكر اللي إحنا فيه دلوقتي ده .. زمان كنت بقول الآيات وأنا مش بركز فيها دلوقتي وأنا بركز في الآيات لآخرها بحس إن ربنا بيشفني وبيداوي كل حاجة حاسة بيها، أنا بقول ده ومش خايفة من التعليقات اللي هتيجي".
وأضافت :" أنا بشكر الظروف اللي إحنا فيها بالرغم من قسوتها عشان نقعد في البيت ونقرب من أهالينا ونشوف ولادنا. أنا مابحبش أتكلم عن صلاتي عشان دي حاجة بيني وبين ربنا بس أنا حاسة إن الناس اتغيرت، الحاجة الحلوة اللي فيهم ابتدت تطلع وأولهم أنا".
وكانت شيرين، قد طرحت مؤخرًا أغنيتها الجديدة التي تحمل إسم "مش قد الهوى"، وقد حققت نجاح كبير جدًا فور طرحها، من ثم إكتفت شيرين بفتح حسابها على "تويتر"، فقط وكتابة بعض التغريدات للجمهور حتى تكون بجانبهم في الوضع السئ الذي يتعرض له العالم بسبب فيروس كوفيد 19، الشهير بفيروس كورونا المستجد.
بينما قالت شيرين، في أول تغريدة لها بعد فتح الحساب :"أنا هنا يا حبايبي وإتبسطت جدًا لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكرينني وبتسألوا عني.أنا عايزة أطمنكم إني بخير الحمدلله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير".
وتابعت :"اهتمامكم بالسؤال عليا ده فرحني جدًا وإداني طاقة إيجابية كنت محتاجاها في ظروف زي دي، وحمسني جدًا وخلاني عايزة افرحكم زي ما فرحتوني و قريب إن شاء الله أشارك معاكم حاجة قريبة جدًا لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت".
كما اضافت :"إنتم مش عارفين أنا بحبكم قد إيه وحبكم ده أهم حاجة عندي، وزي ما وعدتكم فيه أغنية جديدة جاية من أقرب الأغاني لقلبي ومع إن توزيعها لسه مخلصش قررت أسمعهالكم علشان تفرحكم زي ما فرحتوني… بحبكم".

المصدر : صدي البلد