فاصل نيوز
ادى اليوم طلاب الصف الاول الثانوي ثاني الامتحانات التجريبية الالكترونية فى تمام الساعة الـ 8 صباحا، حيث امتحنوا اللغة الاجنبية الاولى ، وعقب الامتحان تفاعل العديد من الطلاب واولياء الامور على موقع السوشيال ميدايا وجاءت ردود افعلهم كالاتى :
ابويا قاعد ينادي عليا وانا نايم ومصحيني بالعافيه عشان اقوم احل مع اخويا امتحان انجليزي اولي ثانوي ع التابلت وهو ميعرفش انه بينقله من ع الفيس ..
ابني يمتحن بالتابلت انجلش اولى ثانوي وهو نايم على السرير، عايشين في ايام عز والله مش زينا كنا بيتمسح بنفسيتنا البلاط من رعب الامتحانات
دفعه اولي وتانيه ثانوي كلهم سيبين الامتحان وفاتحين تويتر كان فين الدلع ده ع ايامنا ياعم طارق ياشوقي …!
يعنى اى الواحد يصحى الساعه 8 عشن يحل امتحان اولى ثانوى اخويا ده منه لله
صاحبة الساعة ٨ لقيت اختي و بنت عمي قاعدين بيحلو امتحان الانجليزي بتاع اولى ثانوي و بيتفرجوا ع mbc2
عملت حاجة جديدة في يومي أهو حليت امتحان مع ابن عمي اللي ف أولى ثانوي
جدير بالذكر أنه في اليوم الأول للاختبارات التدريبية لطلبة الصف الأول الثانوي أمس الاحد ، قام بالتسجيل وإجراء اختبار اللغة العربية عدد 578 ألف طالب/طالبة من داخل المنازل مستخدمين الشرائح البيانات التي تم توزيعها بواسطة الشركة المصرية للاتصالات.
وتم توزيع الطلاب لمجموعات بالمحافظات للدخول أثناء اليوم وذلك لتوزيع الأحمال على منصة الاختبارات خلال اليوم من الساعة الثامنة صباحًا وحتى الرابعة مساءً.
المصدر : صدي البلد